DESA TANGKIT BARU

Terima kasih anda telah berkunjung di forum " Desa Tangkit Baru " silahkan melakukan registrasi atau masuk menggunakan akun facebook.

Keuntungan registrasi :
~ Anda bisa berkomentar.
~ Membuat topik dan membalas topik.
~ Melihat video dan gambar.
~ Dan tanya jawab

Salam fada idi`
Cucu Fetta Fuang
DESA TANGKIT BARU

AMAN KOMPAK TERTIP INDAH PRODUKTIF

Photobucket Photobucket Photobucket

google+

TAITA WETTUWE

TANGGLA’ IYEWE ULENGNGE

Powered by Forum TangkitBaru

    ALLEPERNG IDUL FITRI

    Share

    Cucu Fetta Fuang
    Admin

    Jumlah posting : 234
    Bergabung : 24.06.12
    Umur : 31
    Lokasi : Tangkit baru, jambi, indonesia

    ALLEPERNG IDUL FITRI

    Post  Cucu Fetta Fuang on 09/08/12, 02:59 am

    بِسْمِ اللهِ الرَّحْمَنِ الرَّحِيْمِ

    اَلسَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

    اَللهُ اَكْبَرُ اَللهُ اَكْبَرُ اَللهُ اَكْبَرُ, اَللهُ اَكْبَرُ اَللهُ اَكْبَرُ اَللهُ اَكْبَرُ, اَللهُ اَكْبَرُ اَللهُ اَكْبَرُ اَللهُ اَكْبَرُ, اَللهُ اَكْبَرُ كَبِيْرًا وَالْحَمْدُ للهِ كَثِيْرًا وَسُبْحَانَ اللهِ بُكْرَةً وَاَصِيْلاً, لاَاِلَهَ اِلاَّ اللهُ اَللهُ اَكْبَرُ, اَللهُ اَكْبَرُ وَللهِ الْحَمْدُ.

    اَلْحَمْدُ للهِ الَّذِى وَقَفَنَا ِلاِتْمَامِ شَهْرِ الصِّيَامِ وَاَعَانَنَا عَلَى الصِّيَامِ وَالقِيَامِ وَجَعَلْنَا مِنْ خَيْرِ اُمَّةٍ اُخْرِجَتْ لِلنَّاسِ اَحْمَدُهُ عَلَى تَوْفِيْقِهِ وَهِدَايَتِهِ. اَشْهَدُ اَنْ لاَ اِلَهَ اِلاَّ اللهُ وَحْدَهُ لاَ شَرِيْكَ لَهُ اِقْرَارًا بِرُبُوْبِيَّتِهِ وَجَلاَلِهِ وَعِزَّتِهِ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الْمُصْطَفَى مِنْ سَائِرِ خَلْقِهِ مِنْ اِنْسِهِ وَجِنِّهِ وَاُصَلِّى وَاُسَلِّمُ عَلَى سَيِّدِنَا وَحَبِيْبِنَا مُحَمَّدٍ وَعَلَى آلِهِ وَاَصْحَابِهِ وَمَنْ تَبِعَهُ مِنْ جَمِيْعِ اُمَّتِهِ. اَمَّا بَعْدُ:

    فَيَااَيُّهَا الْعَائِدُوْنَ وَالْفَائِزُوْنَ, اِتَّقُوا اللهَ حَقَّ تُقَاتِهِ وَافْعَلُو الْخَيْرَ واتْرُكُو الشَّرَّ لَعَلَّكُمْ تَفُوْزُوْنَ بِعِنَايَتِهِ وَهِدَايَتِهِ. وَقَالَ اللهُ تَعَالَى فِى الْقُرْآنِ الْكَرِيْمِ:

    وَلِتُكْمِلُوا الْعِدَّةَ وَلِتُكَبِّرُوا اللهَ عَلَى مَاهَدَاكُمْ وَلَعَلَّكُمْ تَشْكُرُوْنَ. (البقرة:۱۸۵). صدق الله العظيم.

    اَللهُ اَكْبَرُ اَللهُ اَكْبَرُ اَللهُ اَكْبَرُ وَللهِ الْحَمْدُ

    Sining umma selleng engkae riamasei ri Puangallataala

    Masero sitinajasiki patarakkai pappojitta nennia asukkurukeng marajata lao ri arajang kuasanna Puangallataala nasaba pammasenamua lao pada ridi maneng natopada engkasi nawereng asalamakeng nennia wettu pada makkai ajeta, soeyyangngi limatta nasibawai ati caddiorio nennia tappa cabberuberu, natopada engkana maddeppungeng ri lalenna iyae onrongnge sipakario rennu delain akkatta sangadinna pada melomiki pannessai aleta ata mateppe’ tongettongeng, ata lolongengnge asalewangeng maraja iyanaritu massu pole ri uleng ramalang nasibawai ati macinnong watakkale mapaccing natopada mapaccing maneng pole ridosadosae.

    Salawa nennia pappassalama, mamuare’gi Puangallataala engkamui simata patabbollompolloi appalanna nennia pammasena lao ri Nabikkeng Muhammad saw, rikeluargana, sahaba’na, nennia iyamanenna tau makkacoerieyengngi iya engkae simata mattugengkeng ri lalenna watakkalena sipa’ attongettongenge patarakkai aseng marajana nennia agamana Puangallataala.

    اَللهُ اَكْبَرُ اَللهُ اَكْبَرُ اَللهُ اَكْبَرُ وَللهِ الْحَمْدُ

    Labe’ni uleng ramalang salaiki, rigau’ engkana nasalaingekki’ siagae egana deceng madduparupang nennia appalang mallicculliccung. Mammuare’gi ri munri labe’na uleng ramalang napancajiki Puang Allataala insanut tahir (tau mapaccing) atanna puang allah taala makkutoparo paimeng sebagai insanul kamil (tau sokku), nasaba’ engkata siuleng kalipu tahangi luputa nennia dekkata makkutoparo paimeng hawa nafsutta, teppo’i pangeloretta, pasabbara’i watakkaleta sebagai bukti tunru’ nennia mappoji lao ri Puang Allataala.

    آمن الرسول بما أنزل إليه من ربه والمؤمنون كل آمن بالله وملائكته وكتبه ورسلهلا ل نفرق بين أحد من رسله وقالوا سمعنا وأطعنا غفرانك ربنا وإليك المصير

    Bettuanna:

    Wengkalingai nennia uturusiwi, Addempengekki Puang nennia idi’mi Puang ongrong alisungeng. (QS. Al-Baqarah:285).

    Na engkani’ ri lalenna iyyae essoe tolulusu’na pole riujiange nennia latihan mawere’e, ri lalennatona iyae essoe narilolongeng riasengnge asalewangeng, salewangeng pole ri perjuangan kaminang mawere’e iyanaritu perjuangatta untuk makuasaiwi hawa nafsutta. Nasaba hawa nafsue simata nahalangiki’ nennia napakkali’ali’ki matturu ri arajanna agamata, nahalangiki’ mengabdi ri negarata nennia ri bangsata. hawa nafsue nassabari namasolang hubungan mapaccitta’ sibawa Puang Allataala, nennia hawa nafsue nassabari napettu assiwollompollongeng malebbita sibawa padatta tau ri pancaji. Hawa nafsue nassabari nasipekku tauwe mappada rane massilessureng, hawa nafsue nassabari namadoraka ana’e ri tau pajajianna, hawa nafsue nassabari namaewaewa bawahangnge ri atasanna, nennia hawa nafsue paimeng nassabari nalenynye’ paresse bawwana atasangnge lao ri bawahanna.

    ضربت عليهم الذلة أين ما ثُقفوا إلا بحبل من الله وحبل من الناسوباءُوابغضب من الله وضربت عليهم المسكنة ذلك بأنهمكانوا يكفرون بآيات الله ويقتلون الأنبياء بغير حق ذلكبما عصوابما عصوا وكانوا يعتدون

    Bettuanna:

    Majeppu rupa tauwe engkai ri atunangengnge pegipegi mongro sangadinna narekko’ engakamui makkatenni masse’ ri agamana Puang Allataala nennia engkamui pasisompung madecengngi assihubungenna padanna rupa tau nennia nalolongengngi baccinna Puang Allataala nattette’na ri atunangengnge nasaba’ engkai madoraka de natepperiwi aya’aya’na Puang Allataala. (QS. Ali Imran:112).

    Narimakkuannanaro, nariwajikeng ripatunru’ hawa nafsue naripattuju lao ri laleng madecenge. Sala sewwanna cara patunru’i hawa nafsutta iyanaritu ripatarakkanai pakkasiwiyang puasae padatoha pura pada ripapole siuleng kalepu. Karena dengan mengendalikan hawa nafsu derajat kemanusiaan akan meningkat dan kesucian jiwa tetap terpelihara. Jangan sekali-sekali kita menghumbar hawa nafsu itu, tetapi jangan pula membasminya sampai habis. Biarkanlah dia tumbuh dan berkembang tetapi kuasailah dia dan pimpinlah dengan petunjuk dan hidayah agama.

    Napakkuwa battoana perananna hawa nafsue ri rupatauwwe weddingngi nasari lao ri neraka paccallanna Puang Allataala. Ikkeng pada puran ritahang hawa nafsutta pole rigau’ majae. Iyae gau’e majjellokengngi makkeda iyaro hawa nafsue sitongenna malemma ladde’, Tania hawa nafsue matoro’i rupa tauwwe iyakkiyya rupa tauwwemi matoro’i hawa nafsunna. Silaingengngi’ olo’kolo’e, nasaba’ memeng iyaro olo’kolo’e de nappunnangngi akkaleng. Narimakkuannanaro, pabbanua iya engkae tuo ri ase’na linoe nasaba’ hawa nafsunnami naccoeri majeppu pabbanuae mennangro de silaingenna sibawa olo’kolo’e. Pada nangrei aga maelo nangre deneperhatikangngi hallala’ haranna sewwasewwae, mappangkaukengngi denaperhatikangngi magello majana gau’e. Gangkanna, pabbanua iya engkae riatoro’ ri hawa nafsunna, engkai mennangro napatassangra angre nennia inungeng harangnge bahkan nahallalakengngi appangaddingnge nade namarasa madosa muni cedde’muna. Iyanae pabbanua termasuk pabbanua marapo. Mabiasai narampe Puang Allataala Ri lalenna korangnge ri tujunna hancuru’na umma’umma’ madioloe iyanariru iya engkae tuo nasimata hawa nafsunnami nakkacoeri de nakkegunangngi akkalenna, ikkeng mennagro padai olo’kolo’e bahkan mariawapi na olo’kolo’e. Makkedai Puang Allataala:

    وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالْإِنْسِ لَهُمْ قُلُوبٌ لَا يَفْقَهُونَ بِهَا وَلَهُمْ أَعْيُنٌ لَا يُبْصِرُونَ بِهَا وَلَهُمْ ءَاذَانٌ لَا يَسْمَعُونَ بِهَا أُولَئِكَ كَالْأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ

    Bettuanna:

    Majeppu kipancajiwi untuk lise’na neraka jahannama iyanaritu megangngi pole ri bangsa jingnge nennia rupa tauwwe, mennangro mapunnangngiwi ati iyakkiyya de napakkegunai untuk pahangngi aya’aya’na Puang Allataala, mennangro mappunnangngiwi mata iyakkiyya de nakkegunangngi untuk mitai tangrang akuasangenna Puang Allataala, mennangro mappunnangngiwi daucculing iyakkiyya de nakkegunangngi untuk mengkalingai aya’aya’na Puang Allataala. Mennangro padai olo’kolo’ ripiarae bahkan masero pusapi naolo’kolo’e. Iyana mennangro tau takkalupa namadonggodonggo. (QS. Al A’raf: 179).

    Naiya tau mullengngi matoro’i hawa nafsunna iyanaritu tau engkaemi metau lao ri Puang Allataala padatoha ri makkedanna:

    وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى. فَإِنَّ الْجَنَّةَ هِيَ الْمَأْوَى.

    Bettuanna:

    Nennia tau engkae metau lao ri arajang kuasanna Puang Allataala nennia tau engkae tahangngi alena pole ri apangelorenna hawa nafsunna, majeppu suruga pammasenami Puang Allataala ongrong araddekenna. (QS. An Nazi’at: 40-41)

    Iyae gau’e majjellokengngi makkeda iyaro ri lalenna tasseddie rupa tau engka dua gau’ tuli sitare’tare’ iyanaritu pengarunna hawa nafsue nennia taue lao ri Puang Allataala. Narekko tauna ri Puang Allataala lebbi matedde’ majeppu nakuasaiwi nafsunna aga natama suruga matti insya Allah, sibale’na narekko mallemmai tauna lao ri Pauang Allataala majeppu rikuasaiwi ri hawa nafsunna. Narekko rikuasaiwi ri nafsunna lebbi napaddioloi linona naiya akhera’na bahkan beraniwi korbangkangngi akhera’na garagara linona. Iyanae naseng aya’na Puang Allataala:

    بَلْ تُؤْثِرُونَ الْحَيَاةَ الدُّنْيَا. وَالْآخِرَةُ خَيْرٌ وَأَبْقَى.

    Bettuanna:

    Iyakkiyya iko wawang kafere’e lebbi mupilei atuotuongeng linomu, sedang atuotuong akhera’e lebbi makessingngi na mannennungeng. (QS. Al-A’la:16-17).

    Narampei Puang Allataala ri lalenna korangnge makkeda majeppu tau kaminang paddiolongngengngi atuotuong linona nasibawai gau’gau’ sala (lesse pole ri agamae nennia ade’e) mancajiwi laleng lao ri neraka. Makkedai Puang Allataala:

    فَأَمَّا مَنْ طَغَى. وَءَاثَرَ الْحَيَاةَ الدُّنْيَا. فَإِنَّ الْجَحِيمَ هِيَ الْمَأْوَى.

    Bettuanna:

    Naiya tau lettoe pabbatang (tau de’e napakalebbii ajaranna agamae) nennia lebbi napaddioloi atuotuongeng linona, majeppu sitongenna nerakami ongrong araddekenna. (QS. An Nazi’at: 37-39)

    Nadegaga angre inung sangadinna:

    وَ لاَ طَعَامٌ اِلاَّ مِنْ غِسْلِيْنٍ. لاَيَأْكُلُهُ اِلاَّ الْخَاطِئُوْنَ.

    Degaga anre muni cedde’muna sangadinna dara nennia nana. Nadegaga manrei sangadinna tau madosae (tau mallutaluta’engngi agama Puangallatala). (QS. Al-Haqqah:36-37).

    اَللهُ اَكْبَرُ اَللهُ اَكْبَرُ اَللهُ اَكْبَرُ وَللهِ الْحَمْدُ

    Sidang Jamaah Id. Yang dimuliakan Allah swt.

    Narekko’ melo’i’ ri pakkanre akkalengnge sibawa madeceng nennia mattangngakki ri kajajiang mannessae, idi’na rupa tauwe sebagai makhluk kaminang makessing namalebbi pole risininna makhluk napancajie Puang Allataala.

    لقد خلقنا الإنسان في أحسن تقويم

    Bettuanna:

    Majeppu pura kipancajiwi rupa tauwe nasaba’ sikessikessinna bentu’na. (QS. At-Tin:4).

    Nasaba’ di samping riwerekki’ hawa nafsu, paimeng riwerettokki’ akkaleng. Iyyanae hawa nafsue sibawa akkalengnge simata berjuang, berlomba untuk tudangngiwi kadera akkarungengnge ri laleng atinna rupatauwe.

    Naiya hawa nafsue pada garis besarnya, tabbagei lao ri 4 (eppa) rupanna, iyanaritu:

    1. An-nafsul ammarah. Sifat egois dan emosional. Kepentingan alenami bawang naperhatikang, de namelo malai sara adecengenna tau egae.

    وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ۚ إِنَّ رَبِّي غَفُورٌ رَّحِيمٌ

    Bettuanna:

    Karena majeppunna nafsu ammarae simata massuroi lao rig au majae, sangadinna nafsu riwerengnge pammase ri Puang Allataala. Majeppu Puang Allataala masero maddampeng namasero pamasei. (QS. Yusuf:53)

    Narekko an-nafsul ammarah-ena maladde’ berkuasa ri seddie tau, mabiasani nenreki sifat poji ale, mabiasatoni naenreki sifat atakabborokeng. Namarissengeng ri sese alebbiretta maneng makkeda naiya atakabborokenge appongennai sininna sifat majae nennia ampe-ampe matunae. Naiya tau nenrekie sifat atakabborokeng mabiasai alenamani bawang nangga’ kaminang mawatang namakuasa, naangga’ enteng manemmi tau lainge, undang-undang tidak berlaku di dalam kehidupannya nasaba’ hawa nafsunnami mancaji pedoman dan petunjuk jalan ri sesena. Semua orang yang menentang kemauannya dianggap orang jahat yang harus disingkirkan, baik secara sopan dan halus maupun secara kasar. Hanya yang patuh dan hormat kepadanya yang dianggap orang-baik-baik dan hanya orang yang sama kepentingannya dianggap kawan setia.

    2. An-nafsul lawwamah. Sifat kedisiplinan dan keinginan membela diri. Iyanae nafsu lawwamae simata werengngi dorongang rupa tauwe sarekkuamengngi napertahankangngi alena pole ri sininna rintangang-rintangangnge kuaettopa sininna bahaya-bahaya engkae mattuju ri rupa tauwe.

    Jaji iyae an-nafsul lawwamah-e kebalikanna nafsul ammarae. An-nafsul lawwamah hanya berfungsi sebagai pertahanan saja, bukan untuk menyerang dan menguasai orang lain.

    وَلَا أُقْسِمُ بِالنَّفْسِ اللَّوَّامَةِ

    Bettuanna:

    Dan Aku bersumpah dengan jiwa yang amat menyesali (dirinya sendiri). (QS. Al-Qiyamah:2)

    Maksudnya: bila ia berbuat kebaikan ia juga menyesal Kenapa ia tidak berbuat lebih banyak, apalagi kalau ia berbuat kejahatan.

    3. An-nafsul safiah. Nafsu birahi. Yaitu nafsu yang selalu menimbulkan perasaan cinta kasih kepada lawan jenis.

    زُيَّن للناس حبُّ الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة الدنيا والله عنده حسن المآب

    Bettuanna:

    Ripancajiwi makessing pakkitanna tauwe ri pappojinna ri naelorie, iyanaritu makkungraiye, ana’ nennia waramparang maega dari jenis emas, perak, kuda pilihan, binatang-binatang ternak dan sawah ladang. Iyanaro asennangeng atuotuongeng ri lino nennia ri sesenami Puang Allataalami ongrong alisungeng nennia ongrong kaminang makessing iyanaritu suruga. (QS. Ali Imran:14).

    Yang dimaksud dengan binatang ternak di sini ialah binatang-binatang yang termasuk jenis unta, lembu, kambing dan biri-biri.

    4. An-nafsul muthmainnah. Nafsu matennang, nafsu mapaccing. Iyanaritu hawa nafsu naewae silollong tauwe ri wettu jajinna iyanaritu sirupa hawa nafsu iya maeloe simata maddeppe massompa ri sese arajanna Puang Allataala.

    يَا أَيَّتُهَا النَّفْسُ الْمُطْمَئِنَّةُ ﴿٢٧﴾ارْجِعِي إِلَىٰ رَبِّكِ رَاضِيَةً مَّرْضِيَّةً

    Bettuanna:

    E jiwa matennangnge.

    Lesuno ri Puammu nasaba ati caddiorio nennia riporio ri Puang Allataala.

    Tamano ri lalenna addeppungenna atakku.

    Tamano ri lalenna surugaku.

    Sitongettongenna an-nafsul muthmainnah maega ladde akkegunana naikkiya engkato paimeng kekuranganna. Nasaisani akkegunana iyanaritu mabelani tauwe pole ri sifa’ atakabborokenge, dena naenrekiwi poji ale, dena naenrekiwi sere ati nennia peddi ati kuaettopa sininna sifat-sifat majae nennia ampe-ampe matunae. Naiya tosi kekuranganna narekko an-nafsul muthmainnae maladde’ berpengaruh, napancajiwi tauwe makuttu berusaha, de’namaladde’ napikkiriki masa depanna nennia akkutuo-tuong ri linona, menyerah kepada takdir sebelum berikhtiar, wedding nassabari nancaji pakkere tauwe nassabarini namaperi akatuo-tuongeng linona padahal agamata nantuntu’ki simata berusaha untuk tingkatkangngi akkatuo-tuongeng ri inota nasaba’ linopa jembatang untu’ letturiwi aheratta. Iyamua narekko seddie tau desisettosi nappunangngiwi an-nafsul muthmainah wedditosi nassabari nancaji kafere, nasaba’ dei gaga bicara puangnge ri laleng atinna. Naiya apakerekengnge nennia akaperekengnge pada-padai matuna ri sesena agamae. Narampe Nabitta saw rimakkadanna:

    كَـادَ الْـفَـقْـرُ أَنْ يَـكُـوْنَ كُـفْـرًا

    Bettuanna:

    Maladde’i maddeppe apakkerekenge ri akaperekenge.

    Iyyanae eppa rupanna hawa nafsu iya engkae maddibola ri sininna rupa tauwe. Jaji tungke-tungke tauwe engka maneng caina, iyakkiya engkamuto sifat nyameng kininnawana nennia sifat asabbarakenna. Semuanya mempunyai sifat cinta kasih kepada lawan jenisnya, nenia tauna ri Puang Allataala. Jaji iyaro hawa nafsue di samping engka bahayana, engka muto paimeng akkegunana, nakewajibattana idi rupa tauwe kendalikangi nennia makuasaiwi hawa nafsutta.

    Ajalalo taturusiwi pangelorenna hawa nafsutta, naikiya aja tosi tapalenynye’i, nasaba weddingngitu nassabari nade tappunangngiwi cita-cita matanre nennia minasa malebbie.

    وَابْتَغِ فِيمَا آتَاكَ اللَّهُ الدَّارَ الْآخِرَةَ ۖ وَلَا تَنْسَ نَصِيبَكَ مِنَ الدُّنْيَا ۖ وَأَحْسِنْ كَمَا أَحْسَنَ اللَّهُ إِلَيْكَ ۖ وَلَا تَبْغِ الْفَسَادَ فِي الْأَرْضِ ۖ إِنَّ اللَّهَ لَا يُحِبُّ الْمُفْسِدِينَ

    Bettuanna:

    Sappai aga pura nawerekko Puang Allataala untu’ asennangenna atuotuo akhera’mu nennia aja’ mualupaiwi pappenyamenna atuotuong linomu nennia appedecekko lao ri tau laingnge padatoha Puang Allataala mappedeceng lao ri alemu nennia aja’ muaddusa’dusa’ ri lebo’na tanae. Majeppu Puang Allataala de napojiwi tau maddusa’dusa’e. (QS. Al-Qashash:77).

    اَللهُ اَكْبَرُ اَللهُ اَكْبَرُ اَللهُ اَكْبَرُ وَللهِ الْحَمْدُ

    Sidang Jamaah Id Yang berbahagia

    Sebulan lamanya kita telah melatih diri dan berusaha mengendalikan hawa nafsu kita. Akhir dari pada latihan kita, akhir dari pada peningkatan amaliah ramadan kita ditandai dengan pesta meriah dan hidmat penuh rasa kekeluargaan. Iyae alleppereng fittarae merupakangi upacara perpisahatta sibawa uleng ramalang sekaligus esso pemmulanna maelo ripraktekkang hikmah nennia ajaran-ajaran engkae natampu’ uleng ramalang. Mappamulani iyae essoe maeloki mapparaktek ri tengngana padata rupatau, paressai aleta, untuk mujiwi aleta makkeda engkamuiga uleng ramalang mappangaru madeceng ri lalenna pergaulan esso-essota nenia ri olona Puang Allataala iyare’ga nade. Praktek lapangan inilah yang akan menentukan lulus atau tidak lulusnya ibadah puasa iya purae rilaksanakang siuleng ettana. Pelajaran disiplin yang dapat kita ambil dan kita pelajari selama bulan ramadan harus kita terapkan di tempat kerja kita masing-masing, baik petani, pengusaha, karyawan, dan pegawai. Narekko’ engkaki’ padangkang tappitangngi alempuretta, aja’ tamajekko ri ola’ta nennia timbangetta misalnya, narekko engkaki pegawai tappitangi tanggung jawabta ri jama-jamangta, narekko engkaki guru ikhlaski makkamala, narekko engkaki bawahan ta’ppitangi derma baktita, atturuta ri atasatta, narekko engkaki tau mapparenta tamesseangngi kasi bauwa rakyatta aja tagera’-gera’i, aja’ takassarakiwi, tawerengngi appunnanna, aja takurangiwi apalagi riala hakna. Semuanya harus disiplin dan menghargai waktu pada tempat kerja di mana saja kita berada. Kesemuanya itu baru dapat terlaksana dengan baik apabila telah terwujud suatu ukhuwah persaudaraan yang intim, saling bekerjasama, harga menghargai, hormat menghormati dan mempunyai solidaritas sosial yang tinggi.

    اَسْرَعُ الْخَيْرِ ثَوَابًا الْبِرُّ وَصِلَةُ الرَّحِمِ, وَاَسْرَعُ الشَّرِّ عِقَابًا الْبَغْيُ وَقَطِيْعَةُ الرَّحِمِ.

    Bettuanna:

    Deceng iya magattie papole pamale’ iyanaritu appedecengnge (ri Puangallataala makkutoparo ri padatta rupa tau) nennia assisompungeng loloe (ipakessingngiwi asseddingnge, assiamasengnge, makkutoparo assiame’ame’kengnge). Naiyatosi ja magattie lolongeng paccallang iyanaritu aggau’ bawangnge nennia ipappettunnai sompung loloe.

    Jaji idi rupa tauwe khususna idi umma sellengnge de gaga laleng de naripagellori assiamasengnge nennia asseddingnge nasaba’ iyaro gau’e mancajiwi letenna pammasena Puangallataala lao ri pabbanuae.

    اِنَّ الرَّحْمَةَ لاَ تَنْزِلُ عَلَى قَوْمٍ فِيْهِمْ قَاطِعُ رَحِمٍ.

    Bettuanna:

    Majeppu pammasena Puangallataala de napaturungngi ri seddie pabbanua iya engkae ri lalenna pappettui assihubungenna padanna rupa tau.

    لاَ يَدْخُلُ الْجَنَّةَ قَاطِعٌ

    Bettuanna:

    Na pura de nuttama suruga tau engkae pappettui assihubungenna pada rupa tau.

    اَيُّهَا الْعَائِدُوْنَ وَالْفَائِزُوْنَ

    Iyatonaro saba’na ri lalenna uleng ramalang di samping riwajikengngi rilaksanakang puasae, ri wajikettopi paimeng ri passu sekke’ pittra’e. Niaya sekke’ pittara’e napaccingiwi atinna tau passuengngi sekke’na, naomporengngi paresis bauwa tau sogie lao ri tau maperie, paimeng mancajiwi pappasau kiningnawa ri tau kasi-asi’e. Padatoha narampe nabitta Muhammad saw, rimakkedanna:

    زَكَاةُ الْفِطْرِ طُهْرَةً لِلصَّائِمِ مِنَ اللَّغْوِ وَالرَّفَثِ وَطُعْم!ةً لِلْمَسَاكِيْنِ (رواه ابو داود وابن ماجه وصححه الحاكم)

    Bettuanna:

    Naiya sekke pittarae pappepaccingngi ritau mappuasae pole ri dosana gau sia-siae nennia ada-ada matunae nennia pappanrei risesena tau kasi-asi’e”.

    اَللهُ اَكْبَرُ اَللهُ اَكْبَرُ اَللهُ اَكْبَرُ وَللهِ الْحَمْدُ

    Sidang jamaah Id yang dimuliakan Allah swt.

    Sala sewwanna hikmah puasa ramalangnge iyanaritu nawerengngi’ pengalaman nennia aggurung maraja bahwa perasaan lapar itu tidak enak, nah kalau laparnya orang berpuasa ada waktu untuk berbuka puasa, tetapi laparnya orang-orang miskin kapan berakhirnya. Oleh karena itu, puasa bukan hanya sekedar menahan lapar dan dahaga, bukan hanya sekedar menahan nafsu hewani yang ada pada setiap insani, tetapi puasa juga berfungsi untuk meningkatkan jiwa sosial dan mempertinggi disiplin pribadi.

    Naiya ati mapaccingnge nennia ampe-ampe malebbi’e nantara’ki lao meletturiwi riasengnge derajat taqwa, nasirupa tonitu amaupekeng narekko’ iyaro puasata naullemui paddibolangekki’ taue (taqwa) ri laleng atitta, nasaba’ makkebettuanni makkeda mampuni’ pancajiwi tau madeceng aleta. Narekko iyae kampotta naonroimui mabbanua tau mappunnaie tau majeppu macawenitu ri lolongeng riasenge masyarakat adil dan makmur. Paimeng iyapa nariaseng berhasilki mappuasa narekko irullemui paddibolai perasaan paressi bauwae lao ri padatta tau ripancaji. makeddai nabitta:

    اِرْحَمْ مَنْ فِى اْلاَرْضِ يَرْحَمْكَ مَنْ فِى السَّمَآءِ, اِرْحَمْ تُرْحَمْ, اِنَّمَا يَرْحَمُ اللهُ مِنْ عِبَادِهِ الرُّحَمَآءُ.

    Bettuanna:

    Akkamaseko iko rupa tauwe ri lebo’na tanae majeppu namaseikotu Puangallataala. Akkamaseko majeppu riamaseitokkotu. Majeppu Puangallataala namaseiwi atanna engkae posipa’i assiamasemasengnge.

    Kaum muslimin dan muslimat jamaah Id yang berbahagia.

    Sesungguhnya puasa ramadan dan zakat fitrah kita lakukan karena kewajiban, bukan karena suatu paksaan, sebab segala bentuk paksaan bertentangan dengan martabat kemanusiaan bahkan tidak sesuai dengan ajaran agama Islam. Narekko’ tungke’-tungke’ tau mengakuengngi alena mateppe, mengakuengngi alena selleng, makessingngi hubunganna sibawa Puang Allataala sebagai tanrang teppe’ nennia tauna, nennia makessingngi assiwollong-pollongenna sibawa padanna tau ripancaji sebagai wujud dari akhlakul karimah, mattentunitu rirekeng sebagai tau madeceng ri sesena Puang Allataala. Weddinnitu nassabari naturung pammasena puang Allah Taala:

    وَلَوْ أَنَّ أَهْلَ الْقُرَى ءَامَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ

    Bettuanna:

    Namennengnge ri lalenna tasseddie wanua mateppe’i na metau lao ri Puang Allataala majeppu pura napattentuni Puang Allataala melo passui barakka’na iya engkae ri langie nennia ri tanae. Iyakkiya engkai mennangro pabbellei aya’aya’na Puang Allataala, narimakkuannanaro engkai Puang Allataala sessai nasaba pangkaukenna mato mennangro. (QS. Al A’raf: 96).

    Nariaddampengeng sininna dosa nennia atassalanna. Naiya tau makkuaero naseng nabitta:

    شَهْرُ رَمَضَانَ شَهْرٌ كَتَبَ اللهُ عَلَيْكُمْ صِيَامَهُ وَسَنَنْتُ لَكُمْ قِيَامَهُ فَمَنْ صَامَهُ وَقَامَهُ اِيْمَانًا وَاحْتِسَابًا خَرَجَ مِنْ ذُنُوْبِهِ كَيَوْمِ وَلَدَتْهُ اُمُّهُ. (رواه ابن ماجه والبيهقى)

    Bettuanna:

    Uleng ramalang uleng nawajikeng Puangallataala rikotu mennang mappuasa ri essona nennia risunnakekko mattarawe ri wenninna, niginniging tau mappuasa nennia mattarawe nasaba’ teppe’ tongettongeng nennia simatami lao ri Puangallataala, majeppu massui pole ri dosadosana padatoha ana baru ri jajiangnge pole ri babuana indo’na.

    Hubungan antara manusia dengan Allah dan hubungan antara manusia dengan alam sekitar merupakan lorong-lorong tunggal yang tak dapat dipisahkan antara satu dengan yang lainnya, nasaba’ narekko’ hubungattami sibawa Puang Allataala makessing, ibadatami bawang riperhatikang, aheratami bawang riurusu naritettang siseng linota weddingngitu nassabari natonancaji tau maperi, sebalikna narekko hubungattami sibawa padatta rupa tau makessing, naiyakkiya riallupawii Puang Allataala de narijampangngi ibadata wedding tosiki napalao kapere, padahal apakerekenge nennia akaperekenge waji’i ri palenynye’.

    Taniato tu riaseng tau madeceng tau de’e najampangngiwi linona nasaba’ ahera’nami bawang maladde nalellung, nennia taniato riaseng tau makessing tau tettangengi ahera’na gara-gara lino, naiyakkiya riasengnge tau malebbi, riasengnge tau makessing iyanaritu tau iya pappada-padaengngi sapparenna assenangenna atuo-tuongeng linona nennia asalamakenna atuo-tuongeng ahera’na.


    يَاأَيُّهَا الَّذِينَ آمَنُوا لاَ تُلْهِكُمْ أَمْوَالُكُمْ وَلاَ أَوْلاَدُكُمْ عَنْ ذِكْرِ اللهِ وَمَنْ يَفْعَلْ ذَلِكَ فَأُولَئِكَ هُمُ الْخَاسِرُونَ

    Bettuanna:

    E sininna tau mattepe’e, aja’ na waramparammu nennia ana’mu nasabari nade muengngerangngi Puang Allataala. Niginigi tau papolei gau’ rekkuaero iyana mennangro termasu’ tau rugi. (QS. Al-Munafiqun:9).

    Allah SWT menerangkan bahwa janganlah karena kesibukan mengurus harta benda dan memperhatikan persoalan anak-anak menyebabkan manusia itu lalai terhadap kewajibannya kepada Allah atau tidak menunaikan kewajiban yang telah diwajibkan atasnya. Hendaknya perhatian mereka itu terhadap dunia dan akhirat seimbang, sebagaimana Nabi:

    لَيْسَ بِخَيْرِكُمْ مَنْ تَرَكَ دُنْيَاهُ لآخِرَتِهِ وَلا آخِرَتَهُ لِدُنْيَاهُ حَتَّى يُصِيْبَ مِنْهُمَا جَمِيْعًا فَاِنَّ الدُّنْيَا بَلاَغٌ الى آخِرَتِهِ (رواه البخارى)

    Bettuanna:

    Pura de namakessing ri pallawangemmutu mennang tau engkae tettangngi linona untu’ akhera’na nennia deto namakessing tau engkae tettangngi akhera’na untu’ linona gangkanna napogau’pi iya dua nasaba’ majeppunna lino mancajiwi jembatang lao ri akhera’.

    Oleh karena itu, dalam rangka berhari raya idul fitri, marilah kita berusaha semaksimal mungkin padecengngiwi hubungatta sibawa Puang Allataala, makkutoparo paimeng ripadecengngitoi hubungatta nennia assiwollong-pollongetta lao ri padatta rupatau. Iyanae mancaji makna dan hikmah dari pada hari raya idul fitri.

    Riolo de’napa ripaccapui iyae katobbae, taroni kupalettureng seddi pappaseng pole ritomatoa riolota pahhikmae iyyanaritu rimakkedanna engkatu sewwa wettu matti narekko makkompe’ni beccie, masolanni wanuae, talleggani unga belona panasae, massobbuni lempue, napattongeni salae, ripassalani anu tongengnge, sianre baleni rupa tauwe, sibalu’-balu’ni tauwe, natuoni serri/wella dapurengnge, ripopanni palungengnge, rigattunni pattapie, risellorenni alue, napalenynye’ni barakkae Puang Allataala nennia mabela toni ritu pammasena.

    Narimakkuannanaro, Aja lalo naengka posipa’i sipa’na sajie, nasaba iyatu sajie iyapa namaelo mitai oringnge narekko engka lisena, ajato naengka pusipa’i sifa’na pakkempe kalukue, nasaba iyaro pakkemnpe kalukue iyapa namaelo conga mitai kalukue narekko maeloi malai, makkutoparo ajalalo naengka pusipa’i sifa’na sanru’e, nasaba iyaro sanru’e iyapa nattama loae narekko maeloi pala. Engka laloki pada mappikkiri madeceng napatuju, pasanrei awaraningengnge rianu patujue sarekkoammengngi natopada salama’ ri lino nalebbi-lebbi’paha matti ri esso ri monrinna Puang Allataala. اَللهُ اَكْبَرُ اَللهُ اَكْبَرُ اَللهُ اَكْبَرُ وَللهِ الْحَمْدُ

    Nariellaumani ri Puangallataala sarekkuammengngi naweremmuki umur’ malampe, tubu majjappa nasimata napakkedallerimuki naengka wedding ripake makkasiwiyang lao ri alena, nennia mamuare’gi engkamui maddampengengngi iyamanenna dosadosata beccu battoa, natosiaddmpedampengettona idi padatta rupa tau padatta massiajing selleng saba’ni nanatarima lempui Puangallataala sininna amala’ madecetta iya engkae pada pura ripatarakka. Aminnn…!!!

    بَارَكَ اللهُ لِى وَلَكُمْ فِى الْقُرْآنِ الْكَرِيْمِ, وَقُلْ رَبِّ اغْفِرْ وَارْحَمْ وَاَنْتَ خَيْرُ الرَّاحِمِيْنَ

      Waktu sekarang 05/12/16, 07:28 pm